yalla shoot | أمير مرتضى: غياب إمام عاشور بسبب الإجهاد.. ومطمنين على الفريق قبل بدء الدوري





10:00 م | الجمعة 14 أكتوبر 2022

أمير مرتضى

كشف أمير مرتضى المشرف العام على الكرة بنادي الزمالك عن بعض الأمور المهمة عقب تأهل الأبيض لدور المجموعات بعد الفوز على فلامبو البوروندي بخماسية مقابل هدف وحيد في إياب دور الـ32 من البطولة الإفريقية.

وقال أمير مرتضى خلال ظهوره بقناة أون تايم سبورتس عقب نهاية مباراة الزمالك وفلامبو: «إمام عاشور عنده إجهاد والونش كمان غيابه كان بسبب الإصابة، أكيد الصفقات الجديدة بيحتاجوا وقت عشان ينسجموا مع اللاعبين القدامى وأكيد هيتعلموا من الأخطاء وأكيد مستواهم هيطور مع مرور الوقت».

أمير مرتضى: كنا نحتاج التدعيمات

وتابع: «اتوقف لينا قيد مرتين وده أثر على التدعيمات واتسبب في إجهاد أكتر وإصابات أكتر ولكن قدر فيريرا والجهاز الفني يحققوا البطولات ويطلعوا جيل جديد كمان وفيه لاعبين تانيه هتدخل معانا الفترة اللي جايه وهنحافظ عليهم ولكن كان لازم نكون واقعيين بأن الفريق يحتاج تدعيمات وده اللي حصل».

وتطرق للحديث عن انطلاقة الدوري المصري أمام سموحة السكندري قائلًا: « البداية في الدوري يكفي إننا مطمنين على الفريق طبعا بعد تخطي المرحلة الصعبة في دور الـ64 و32 لأن واجهنا أندية مكناش عارفين نلاقي أي مباريات ليهم عكس اللعب أمام أندية معروفة تستطيع قراءتها بشكل جيد قبل المباريات».